Siglir tar il cuntegn

Header

cuntegn

Program da stad RTR Tes vitg – tia istorgia

Set emnas – set vitgs. Durant la stad visita RTR ils vitgs da Rueun, Bever, Ftan, Casti, Ziràn-Reschen, Lumbrein e Panaduz. Tge che vegn mussà e tgi che vegn a pled pudais Vus influenzar.

Er quest onn fa RTR in program da stad spezial: Durant set emnas visitan redacturas e redacturs mintg'emna in vitg grischun e rapportan da quel sin tut ils vecturs (radio, facebook, instagram e televisiun). Mintgamai da mesemna fin venderdi è il team al lieu cun la rulotta dad RTR.

7 vitgs durant 7 emnas

Textbox aufklappenTextbox zuklappen

Quai è il plan da la turnea:

29.06. – 03.07.20 Rueun

06.07. – 10.07.20 Bever

13.07. – 17.07.20 Ftan

20.07. – 24.07.20 Casti

27.07. – 31.07.20 Ziràn-Reschen

03.08. – 07.08.20 Lumbrein

10.08. – 14.08.20 Panaduz

Mintgamai mesemna, gievgia e venderdi è RTR al lieu cun la rulotta.

Grafica davart l'acziun «Tes vitg - tia istorgia»
Legenda: RTR grafica

Vus pudais influenzar il cuntegn

Per che las redacturas ed ils redacturs survegnan ideas tge istorgias ch'els pudessan raquintar dovran els Voss agid. Perquai er il motto da l'acziun: «Tes vitg – tia istorgia».

Tge è per Vus il pli bel lieu? Datti ina persuna originala? Co statti cun la vita d'uniuns? Vulais savair dapli da legendas e mitus dal vitg? Vus pudais uschia animar ed intimar ils rapports durant l'emna che RTR è al lieu.

«Tes vitg – tia istorgia» cumenza ils 29 da zercladur ed è tema da glindesdi fin venderdi en l'emissiun da radio da las 11:00 fin las 12:00.

Las istorgias vegnan era publitgadas sin ils chanals da social media e tut vegn resumà en in dossier sin la pagina d'internet www.rtr.ch/stad.

RTR dovra Voss agid

Vus pudais inditgar Vossas istorgias:

  • glindesdi e mardi tranter las 11:00 e las 12:00 direct en il studio da radio sin il numer 0800 20 25 30
  • cura che Vus vulais per whatsapp sin il numer 079 200 70 07

Grazia fitg per Vossas ideas!

Sper bleras bellas istorgias ans legrain nus en spezial er sin Vus, sin discurs ed inscunters en Voss vitgs.

RTR actualitad 11:00

Artitgels legids il pli savens

Scrollar a sanestra Scrollar a dretga