Project da pilot per digitalisar la taglia a Cuira

Ina chaussa resta mintg'onn per tuts tuttina, baul ni tard ston ins dar giu la decleraziun da taglia. Per quels da Cuira datti dentant quest onn - sco emprima vischnanca dal Grischun - ina pitschna midada pervia da la digitalisaziun.

Um che lavura vid in computer e decleraziuns da taglia davanttiers. Bild in Lightbox öffnen.

Legenda da maletgs: Tut ils documents da taglia duain vegnir digitalisadas. Keystone

Datas digitalas empè da plunas da palpiri

Quai è era l’avegnir tar la taglia. Perquai ston ils abitants da Cuira en in project da pilot trametter lur decleraziun da taglia quest onn directamain al chantun enstagl a la citad.

Documents vegnan digitalisads

Tut ils documents da taglia ch'ils abitants da Cuira inoltreschan anc en furma da palpiri, vegnan ussa digitalisads en in center chantunal a Cuira e lura tramess sco documents electronics als commisaris da taglia da la citad. Uschia ch’ils cumissaris han tut ils documents ch'els dovran per pudair taxar quant bler che mintg’in sto pajar direct sin lur computer.

In auter avantatg è tenor Toni Hess da l'administraziun da la taglia chantunala, ch’ins spargna era raps cun quest nov process. Quest proceder duess dal reminent davent da l’auter onn vegnir schlargiads sin tut las vischnancas en il Grischun.