Il project «Salvament da chavrielins cun dronas» cuntinuescha er quest onn. Quai ha annunzià l’Uffizi da chatscha e pestga. Per pudair realisar il project ston ins stabilir durant ils mais da matg fin fanadur ina pretensiusa organisaziun d'acziun cun pilots da dronas bain scolads. Il chantun ha cumprà 19 dronas che pon vegnir duvradas da las secziuns da chatscha regiunalas en collavuraziun cun ils guardiaselvaschinas.
Finamira è da proteger chavrielins da blessuras
Il project è vegnì lantschà da la secziun da chatschaders Tasna e cuntinuescha quest onn. La metoda vegn schlargiada sin las regiuns: Signuradi, Partenz, Tumleastga, Val Schon e Trin. La finamira è d’evitar che chavrielins vegnan blessads durant che purs segan prads. Latiers vegnan ils prads observads da sura engiu cun dronas. Sper la metoda nova vegnan ils chavrielins spaventads cun tschorventar els.
RR novitads 10:00
