En il rom da la nova politica regiunala ha la regenza concedì ina summa da 425'000 francs per Grischun 360°, l'accumpagnament da viadi digital. Il chantun paja ina mesadad, l'autra la Confederaziun.
Culp da partenza stad 2020
Cun il project vul la Viafier retica porscher a turistas e turists in'applicaziun che mussa tut ils products turistics sco entradas, events, bigliets, ustarias, activitads e traffic public e che pon er vegnir cudeschads directamain sur Grischun 360°.
Cun il project vul ins cumenzar la stad 2020. L'enviern 2020/21 duai Grischun 360° star a disposiziun a tut las destinaziuns ed a tut ils furniturs da prestaziuns en il chantun.
Ord l'archiv
Tripadvisor, Uber u Airbnb - quai èn exempels che mussan ch'era la branscha dal turissem è pertutgada da la digitalisaziun. Tenor Reto Gurtner, CEO e president da l'Arena Alva, exista anc bler potenzial en il turissem grischun puncto digitalisaziun.
