Siglir tar il cuntegn

Header

cuntegn

Chantun Provas da teater enstagl ir cun skis

Sis giuvens han survegnì al teater da Cuira gust dal mund sin il palc.

audio
Bunura: Provas da teater enstagl ir cun skis
02:27 min, Actualitad dals 03.03.2017.
laschar ir. Durada: 02:27 minutas.

Il giuven teater grischun dat a giuvenils tranter 13 e 16 onns la pussaivladad da frequentar in'emna da teater a Cuira. Ils giuvenils survegnan sustegn da l'actura Felicitas Heyerick che mussa ad els co far teater. La fin d'emna lura finalmain il grond mument: Els pon presentar lur nova savida artistica al public.

Ils sis acturs giuvens han emprendì co sa mover e sa preschentar sin tribuna. Felicitas Heyerick ha savì dar ina mantunada da tips e trics da sia experientscha da lavur. La fin finala han ils acturs nov-naschids pudì envidar ils geniturs ed amis a la preschentaziun.

Ils giuvenils han per part grondas finamiras. Intgins vulan giugar en avegnir teater en la regiun. Ina dad els ha gust dad ir ad ina scola da film e vegnir actura professiunala.

L'emna da teater ha pia gì success: Ils giuvens teatrists sa preparan gia uss per las tribunas naziunals u internaziunals.

RR actualitad 07:00

Artitgels legids il pli savens

Scrollar a sanestra Scrollar a dretga