Siglir tar il cuntegn

Header

video
Tge prestaziuns ch’ils ospitals pon porscher dat adina dapli da discutar
Or da Telesguard dals 26.02.2020.
laschar ir
cuntegn

Provediment da sanadad Grischun collavura cun plirs chantuns per provediment effizient

Ils chantuns Grischun, Glaruna, Son Gagl ed ils dus Appenzells vulan cuntanscher ina planisaziun d’ospitals cuminaivla quai che pertutga il sectur staziunar. Perquai han els suttascrit ina decleraziun d’intenziun la mesemna a Rapperswil, sco la chanzlia chantunala scriva.

Bun provediment e controlla da custs

Finamira da la planisaziun d'ospitals coordinada saja – da pudair porscher a pazients e pazientas en ils tschintg chantuns in meglier provediment. Quai cun elavurar e duvrar criteris per decider, tge instituziuns che vegnan sin la glista d'ospitals dals singuls chantuns. Vitiers vulan els era franar l'augment dals custs.

Previs èn plirs gremis

Ils chantuns creeschan in'organisaziun da project, manada dals directurs e da las directuras da sanadad dals tschintg chantuns. Vitiers vegn la squadra da project, che duai cumpigliar divers commembers dals chantuns involvids.

Quai pertutga il Grischun

Il Grischun reveda actualmain sia lescha da la tgira da malsauns per crear regiuns unitaras per il provediment da sanadad, quai en ils secturs somatica acuta, chasas d'attempads e da tgira e la spitex. La fatschenta duai il Cussegl grond tractar en la sessiun da l'avust.

RTR novitads 11:00

Artitgels legids il pli savens

Scrollar a sanestra Scrollar a dretga