Las suprastanzas da la Partida cristiandemocratica e da la Partida burgaisdemocratica han ussa, suenter ch’il temp da consultaziun è ids a fin, finalisà il contract da fusiun e suttascrit el. Part integrala dal contract da fusiun èn ils statuts per «Die Mitte Graubünden - Allianza dal Center Grischun - Alleanza del Centro Grigioni». Quels ston vegnir approvads da la radunanza da delegads. Uschia fan la PBD e PCD Grischun in ulteriur pass en direcziun d’in futur communabel.
Publitgà 30 dis
Il contract sco era ils ulteriurs documents da fusiun vegnan ussa publitgads durant 30 dis. Lura vegn decidì definitivamain ils 7 da zercladur davart la fusiun da la partida a l'Allianza dal Center.
Ord l'archiv
video
PCD e PBD vulan far chaussa communabla
Or da Telesguard dals 19.04.2021.
laschar ir. Durada: 1 minuta 15 Secundas.