Dapi onns èsi cler ch'il Grischun dovra dapli plazs staziunars sco er ina clinica dal di per la psichiatria d'uffants e giuvenils. Suenter l'evaluaziun dals lieus pussaivels per ina tala clinica, vegn uss persequità surtut la varianta da construir la nova clinica al Waldhaus a Cuira. Emprimas evaluaziuns han demussà ch'il Waldhaus haja dapli avantatgs che la chasa da terapia Fürstenwald ch'è medemamain stada en discussiun.
La raschun principala saja la collavuraziun cun la psichiatria da creschids che garanteschia da pudair recepir pazients durant 24 uras. In'autra è che la construcziun nova sa laschia realisar uschè svelt sco pussaivel. Ins quinta che quai duess esser il cas fin il 2023. L'entir project vegn calculà cun enturn 30 milliuns francs.
RR novitads 14:00
