Siglir tar il cuntegn

Header

La chasa da la Lia Rumantscha a Cuira
Legenda: La chasa da la Lia Rumantscha a Cuira. RTR
cuntegn

Chantun PSR betg cuntenta cun propostas da la Lia Rumantscha

L’uniun Pro Svizra Rumantscha PSR taxescha las trais variantas da la Lia Rumantscha per ina restructuraziun interna sco malponderadas.

L’intenziun da stritgar la participaziun da las organisaziuns tematicas sco la PSR na plascha betg a quella. Dentant scriva la Pro Svizra Rumantscha era, che la Lia Rumantscha duaja l’emprim sa fatschentar cun la strategia per ils proxims onns, avant che ponderar sur da pussaivlas structuras novas.

Ella haja l’impressiun che la Lia haja prendì ina decisiun plitost sperta, scriva l’uniun Pro Svizra Rumantscha vinavant. Ed ella fa las propostas d’augmentar ils sezs en suprastanza da la Lia Rumantscha sin set, e da redimensiunar la radunanza da delegads e da dar a quest gremi dapli responsabladad strategica. Ed ina terza proposta è d’integrar ina cumissiun cun la finamira da controllar las mesiras per la protecziun dal rumantsch.

Impurtant saja che persunas interessadas al rumantsch possian era decider davart l’avegnir da la lingua e la cultura, aschunta la Pro Svizra Rumantscha.

RR novitads 15:00

Dapli da Grischunavrir la Landingpage

Nach links scrollen Nach rechts scrollen