Siglir tar il cuntegn

Chantun Pumpiers da via en acziun - accident cun camiun

Per exercitar tge ch'è da far tar in accident nua ch'in camiun è involvà sa han inscuntrads in sonda var 30 pumpiers da via dal Grischun. In tal exercizi cun camiuns na ha quai anc mai dà en il Grischun. Da survegnir in camiun per in tal exercizi è in excepziun.

Legende: Video Il salvament abspielen. Laufzeit 1:01 Minuten.
Dals 05.09.2016.

Concret han ils pumpiers d’agid da via emprendì e trenà da salvar persunas ch'èn involvidas en accidents cun camiuns.

L’exercizi è vegnì fatg sper la basa da pumpiers da San Bernardino. Era ils blers participants da l'exercizi eran da San Bernardino. Els gidan en cas dad accidents en il tunnel: Cun l’experientscha ch’els han gia pon els profitar il pli ferm dad in tal curs.Da las autras basas da pumpiers d’agid da via ha mo pudì prender part ina persuna - e quai era il cumandant.

Pumpiers Samedan-Puntraschigna
Legenda: Florian Flück Pumpiers Samedan-Puntraschigna RTR, Fabia Caduff
Nus avainsa darar accidents cun camiuns en nossa regiun. Tant pli interessant ed impurtant èsi da savair co reagir en in tal cas.
Autur: Florian FlückPumpiers Samedan-Puntraschigna
Pumpiers Trais Lejs Silvaplana
Legenda: Andri Wallnöfer Pumpiers Trais Lejs Silvaplana RTR, Fabia Caduff
Quai sto esser il tip per esser pumpier. I vul passiun, plaschair e la voluntad da gidar.
Autur: Andri WallnöferPumpier Trais Lajs Silvaplana
Pumpiers Bregaglia
Legenda: Roland Valentin Pumpiers Bregaglia RTR, Fabia Caduff
Jau sun pumpier e gid ad auters. Sche jau sun en privel sun jau era engraziaivel sch'i vegn gidà a mai.
Autur: Roland ValentinPumpiers Bregaglia
Pumpier Surses
Legenda: Ricardo Arpagaus Pumpier Surses RTR, Fabia Caduff
Savair ch’ins po gidar ni perfin salvar ad insatgi dat la motivaziun dad investir tut quellas uras ed il temp liber per ils pumpiers.
Autur: Riccardo ArpagausRepreschentant da l' assicuranza d'edifizis GR

Als participants da l'exercizi para il curs dad avair plaschì. L’exercizi era in exercizi da pilot. Sche i dat anc plirs da quests curs vegn evaluà e dependa era dals feedbacks dals pumpiers che han pudì prender part. En ils cader da pumpiers grischun vegn silsuenter discutà co proseguir cun il cas spezial dals camiuns.

RR Actualitad 07:00