Siglir tar il cuntegn

Header

Purtret da las duas punts ina dasper l'autra.
Legenda: La punt veglia vegn allontanada e perquai sto l'autostrada A13 che passa sutvi vegnir serrada. MAD, Uffizi federal da vias ASTRA
cuntegn

Punt Vaz Sut – Zezras A13 serrada sonda saira e dumengia notg

L’autostrada A13 è serrada la sonda saira, il 7 da november e la notg sin dumengia, ils 8 da november. La punt veglia tranter Zezras e Vaz Sut vegn stgarpada giu, sco l’Uffizi federal da vias annunzia. Per questa ultima etappa da las lavurs stoppia la via naziunala vegnir serrada en omaduas direcziuns.

Tranter sonda saira las 8 e dumengia bun’ura las 8 vegn il traffic svià sur vias chantunalas da la sortida Zezras fin la sortida Landquart. Perquai ch'ins stoppia far lavurs da preparaziuns, possia esser ch'i dettia gia a partir da las 16:30 disturbis sin l'autostrada.

L'entir project ha custà radund 34 milliuns francs. Las lavurs vegnan anc a cuzzar fin l'atun dal 2021. Suenter che la punt è davent, vegnan las lavurs vid la rampa da sortir l'autostrada finidas.

RTR novitads 10:00

Artitgels legids il pli savens

Scrollar a sanestra Scrollar a dretga