Siglir tar il cuntegn

Header

Dunna giuvna che baiva aua giu d'ina funtauna.
Legenda: Keystone
cuntegn

Purs grischuns Las iniziativas agraras sajan memia extremas

Ils purs grischuns èn cunter las duas iniziativas agraras che vegnan en votaziun il zercladur da quest onn.

L'iniziativa per aua da baiver netta saja unilaterala ed extrema ed haja sulet en mira la producziun agricula, manegian tant l'Uniun purila grischuna sco era Bio Grischun.

audio
Thomas Roffler: «Las iniziativas fissan per ils purs difficilas da realisar.»
00:12 min, RTR Audio dals 03.05.2021.
laschar ir. Durada: 00:12 minutas.

Tar l'iniziativa per ina Svizra senza pesticids sintetics che vegn il medem mument en votaziun, han las duas uniuns dentant posiziuns diversas. L'Uniun purila è cunter questa iniziativa. Per Bio Grischun va quella però en la dretga direcziun.

Las iniziativas èn per nus purs grevas da realisar, ellas vegnan ad avair in'influenza negativa sin il sistem da pajaments directs, ellas vegnan a promover il foodwaste ed ils imports da mangiativas.
Autur: Thomas RofflerPresident Uniun purila Grischun

Il patratg da producir pli persistent e biologic saja il dretg tenor ils purs grischuns, la via saja cun las duas iniziativas dentant memia extrema. Cun diversas mesiras e plans d'acziun sin palancà politic sajan ins gia uss sin ina buna via da far agricultura cun prender resguard sin l'ambient.

Ord l'archiv:

Agricultura senza pestizids: funcziuna quai? Jon Pult, cusseglier naziunal dal PS e Stefan Engler, cusseglier dals chantuns da l’Allianza dal Center discutan en il «Controvers».

video
Agricultura senza pesticids?
Or da Controvers dals 21.03.2021.
laschar ir

Dossier online

Avrir la boxSerrar la box
Dossier online

Sin in clic tut las fatschentas federalas, chantunalas e communalas: rtr.ch/votaziuns

RTR novitads 17:00

Artitgels legids il pli savens

Scrollar a sanestra Scrollar a dretga