In obligatori da purtar mascras en scola n’è anc nagin tema en il chantun Grischun. Enfin oz saja quai mo stà in tema da discussiun, uschia la media chantunala Marina Jamnicki:
Tenor la situaziun epidemiologica co ella sa preschenta oz, n'avessan nus betg dad introducir in obligatori da mascrinas. Sch'il dumber da cas avess lura da crescher stuessan nus ponderar mesiras adattadas.
Tar questas mesiras pussaivlas tutgan per exempel era l’obligatori da mussar la carta d’identitad avant ch’ir en bars e discos u era da reducir il dumber maximal da persunas.
Tenor la media chantunala Marina Jamnicki èsi bun che mintga singul chantun possia decider sez tge mesiras che sajan necessarias.