Purtar vuschs per Josias Gasser

Josias Gasser è per franc il cusseglier naziunal che sto tremblar il pli fitg en vista a las elecziuns federalas da quest atun. Sper ina colliaziun da glista dals verd-liberals cun in’autra partida, dovra el era collegas da partida ch’èn pronts da vegnir cun el sin glista.

Josias Gasser, il cusseglier naziunal a Berna da la PVL. Bild in Lightbox öffnen.

Legenda da maletgs: Josias Gasser, il cusseglier naziunal a Berna da la PVL. Keystone

Christian Stricker, il president da la Partida verd-liberala dal Grischun, ha confermà ch’el haja chattà avunda candidats per la glista. In da quels vegn el ad esser. Tschels nums vul el tradir per a la radunanza da nominaziun ch’è ils 20 d’avrigl.

La partida n’haja dentant betg gì fadias da chattar avunda persunas per la glista. Mintga candidat possia profitar dal cumbat electoral e daventar uschia pli enconuschent.

Unda da success è vargada

Christian Stricker conceda che l’unda da success da la Partida verd-liberala saja vargada. Perquai saja quai anc pli impurtant che tut ils candidats sa stentian da posiziunar la PVL sco partida che s’engaschia era per l’economia e betg mo per l’ecologia.