Persunas cun mascras d’igiena, pazients vi da maschinas da respirar, ospitals provisorics ubain cifras stravagantas da mortoris – maletgs ed infurmaziuns che chaschunan in curius sentiment u perfin tema. Che quai saja in agir normal, di Reto Mischol, president da l’associaziun grischuna da psicoterapia.
Tut quai che nus n'enconuschain betg, fa perder in zic la controlla».
Surtut in problem per persunas psichicamain labilas
Ils blers san dentant metter a lieu tant enavant bain questas novitads e maletgs negativs. Difficil vegn quai per persunas che han gia problems psichics u temas. Talas persunas e persunas che han problems socials han dapli fadia cun las situaziun actuala.
Probabel dapli persunas cun problems psichics
Tenor Mischol na fa il chantun betg mo quint cun dapli infecziuns da coronavirus, mabain era cun dapli persunas che pateschan psichicamain pervi da la situaziun actuala. Era per tals cas vul il chantun instradar ina hotline. Là lavuran ils psicologs ed ils psichiaters davos las culissas.