Siglir tar il cuntegn

Header

video
«sil punct» dals 04.07.2017 – Nova lescha da chatscha
Or da RTR dals 04.07.2017.
laschar ir. Durada: 1 minuta 24 Secundas.
cuntegn

Chantun Quest atun duessan vegnir sajettads 5'370 tschiervs

Quest atun ston vegnir sajettads en il Grischun bunamain 5’400 tschiervs u 160 dapli che l’onn passà. Quai prevesa il plan da reducziun che la regenza ha approvà.

En tschertas regiuns dal Grischun datti blers tschiervs. Quai tranter auter er pervia dals ultims envierns ch’èn stads miaivels. Tenor il plan da reducziun da la regenza ston perquai vegnir sajettads 5’370. Quai èn 160 dapli che l’onn passà.

District da chatscha Signuradi-Partenz

En il district da chatscha Signuradi-Partenz smanatscha er la tuberculosa. Cun in project da pilot vegni uschia er lubì da sajettar durant trais dis en nov asils, quai animals feminins che na mainan betg.

Ultra da quai èsi lubì da sajettar tschiervs lantschet, independent da la lunghezza da lur corna. Questa nova regulaziun vala fin ils 10 da settember en l’entir district da chatscha - era dador ils asils - senza limitas da dumber.

Da verd sin oransch

audio
Saira: Tge è nov vi da las perscripziuns da chatscha?
ord Actualitad dals 04.07.2017.
laschar ir. Durada: 2 minutas 50 Secundas.

Da nov èsi er obligatoric da purtar vestgadira luminusa sin la chatscha da gruppas. La segirtad da persunas che prendan part a chatscha en gruppa duai vegnir augmentada. La restricziun da quatter persunas per gruppa vegn per la chatsch’auta e la chatscha speziala abolida. Per la chatscha bassa vala ella vinavant.

Giasts da chatscha bainvis

Cun il plan da reducziun vegn introducì ina charta da giasts per dis limitads. Mintga chatschader ch'ha ina patenta da chatsch’auta 2017 po durant dus dis envidar in giast.

RR novitads 09:00

Artitgels legids il pli savens