Siglir tar il cuntegn

Header

Navigaziun

Masein.
Legenda: Ils votants e las votantas da Masein han reelegì la presidenta e la suprastanza da vischnanca. RTR, Federico Belotti
cuntegn

Chantun Radunanzas communalas a Masein, Segl, Breil, Zernez e Grüsch

En tut las vischancas che han clamà il venderdi saira ad ina radunanza communala, han ils votants e las votantas approvà il preventiv. En pli ha Masein reelegì la presidenta e la suprastanza communala.

Beatrix Vital resta presidenta communala da Masein. La radunanza communala ha reelegì ella en ses uffizi. Medemamain reelegids en suprastanza èn Flurina Feltscher, Aurelia Spadin, Rico De Steffani e Mario Gartmann. Plinavant ha il suveran da Masein approvà il preventiv per l'auter onn. Tar entradas totalas da bun 2,1 milliuns francs serra quel cun in gudogn d'enturn 26'000 francs.

La vischnanca da Segl en Engiadina ha approvà la cunvegna da prestaziun cun l'Engadin St. Moritz Tourismus AG per finanziar uschenumnads top-events regiunals. Plinavant ha il suveran da Segl approvà il preventiv per il 2019.

Era las vischnancas Breil en Surselva, Zernez e Grüsch han clamà a la radunanza communala. En tuttas 3 vischnancas ha il suveran approvà il preventiv per l'auter onn e laschà il pè da taglia sin il stgalim actual.

RR novitads 06:00