Siglir tar il cuntegn
Inhalt

Chantun Radund 20 milliuns ad onn per vischnancas da muntogna

Gia dapi 75 onns sustegn il padrinadi svizzer per vischnancas da muntogna projects en tut la Svizra. Sch’ina vischnanca ha per exempel da renovar il provediment d’aua ni da bajegiar novas vias forestalas, n’ha dentant betg avunda meds finanzials, po ella annunziar quai a l’uniun.

Legende: Video Padrinadi da vitgs da muntogna sustegna la Val Müstair abspielen. Laufzeit 02:59 Minuten.
Or da Actualitad video dals 19.03.2015.

L’uniun examinescha lura il project e la situaziun finanziala da la vischnanca. Vegn la dumonda acceptada da l’uniun, cumenza ella da rimnar daners per la vischnanca.

Fundà l’uniun avant 75 onns ha il medi Paul Cattani ensemen cun sia dunna e 3 ulteriurs iniziants. Suenter plirs craps da stgarpitsch sco il manco d’interess tar donaturs ni il scumond da dumandar la glieud per daners, èn els vegnids da sviluppar onn per onn l’uniun. Ozendi paja il padrinadi radund 20 milliuns francs ad onn per ils divers projects en l’entira Svizra.

Era la vischnanca da Val Müstair ha pudì profitar da pajaments da l’uniun. Dapi la fusiun avant 6 onns han ins survegnì daners per bun 10 projects, tranter auter per vias forestalas e chanalisaziuns.