Cun l'augment dal dumber dals lufs s'augmentan era tut las cifras che stattan en connex cun els. L'onn 2019 hai dà dus novs trieps en il chantun Grischun. In enturn il Beverin ed il segund sin il territori da Sursaissa.

A l'uffizi da chatscha e pestga èn vegnidas annunziadas passa 710 observaziuns da lufs da la populaziun, l'onn avant eran quai anc 630 observaziuns.
Pertutgada il pli fitg da l'augment dals lufs è l'agricultura. Uschia ha l'uffizi stuì indemnisar l'onn 2019 bunamain 130 animals ch'èn vegnids stgarpads. L'onn 2015 èn quai stà 20 animals. Per la surveglianza dal luf ha l'uffizi da chatscha impundì en tut 3'300 uras da lavur ed ils custs totals ch'ils lufs han chaschunà èn tar passa 310'000 francs.