La raschun saja che las lavurs vi dal rapport final sajan bler pli vastas che spetgà. Quai ha ditg Michael Pfäffli, il president da la PUK.
Il rapport ha intercurrì la rolla da las autoritads chantunalas, pia er da l’administraziun e da la regenza. Mintga persuna che vegn numnada en il rapport ha anc il dretg sin udida giuridica, vul dir ch'ella dastga anc ina giada prender posiziun tar quellas parts dal rapport che pertutgan ella. Quai munta dentant er ch’il rapport sto per mintga persuna vegnir surlavurà da nov perquai ch’igl è mintgamai da colurar cun nair ils nums da las autras persunas.
La finamira è d'avair pinà il rapport per la sessiun dal Cussegl grond dal zercladur.