Siglir tar il cuntegn

Header

Navigaziun

Persunas che fan «walking».
Legenda: Persunas che fan «walking». Keystone
cuntegn

Rapport da sanadad 2017 Ils blers Grischuns sa sentan fits

En il Grischun han las dunnas ina durada probabla da vita da 84,9 onns ed ils umens ina tala da 80,9 onns. Questas cifras correspundan vaira exactamain a la media svizra. Tenor il rapport da sanadad han 86% da la populaziun sur 15 onns inditgà il 2017 ch'ella sa sentia bain u fitg bain.

In terz da las persunas interrogadas han in problem da sanadad da lunga durada e 17% rapportan ferms da mals corporals. Grischunas e Grischuns han pli darar disturbis dal sien, mal il chau e mal il venter ch'autras Svizras ed auters Svizzers.

Dapi l'onn 1992 fa l'Uffizi federal da statistica mintga 5 onns l'enquista svizra davart la sanadad. Il chantun Grischun ha incumbensà l'Observatori svizzer da sanadad (Obsan) d'evaluar l'ultima enquista, ch'è vegnida fatga l'onn 2017, specificamain per il chantun Grischun

RR novitads 10:00