La regenza suttametta uss al Cussegl grond in rapport davart las structuras da las vischnancas. En il rom da quest rapport vegn il Cussegl grond en emprima lingia infurmà en detagl davart il stan actual da la refurma da vischnancas e da territori.
190 milliuns a favur da las vischnancas
Ils davos 20 onns ha il chantun sbursà radund 190 milliuns francs en favur da vischnancas pli grondas, pli fermas e pli autonomas. Quels daners sajan dentant investids bain. Quai mussia era il fatg che la situaziun finanziala da las vischnancas è fitg buna e quai malgrà grondas investiziuns. Vitiers vegnia er ch'il pe da taglia restia suenter fusiuns per ordinari stabil. Savens sa sbassia quel schizunt.
RR novitads 12:00