Surtut l'agir da la Polizia chantunala ha fiers grondas undas il november 2019, cura che la cumissiun d'inquisiziun parlamentara PUK e l'expert Andreas Brunner han preschentà lur rapports e formulà mesiras per evitar in segund cas sco quel da Quadroni.
Entant saja la polizia sa fatschentada a moda detagliada ed autocritica cun ils rapports e las recumandaziuns d'agir, communitgescha il Departament da giustia e segirezza. Pliras mesiras sajan gia instradadas, sco per exempel:
- rinforzar e coordinar la scolaziun da policistas e policists
- precisar l'obligaziun da documentar il capità
- extender ils rapports dal cader
- meglierar il barat d'infurmaziuns e la communicaziun interna
L'incarica per questa analisa interna aveva il cumandant Walter Schlegel survegnì, quai ch'aveva era revocà dumondas sch'el saja la dretga persuna per sclerir ils process aifer il corps da polizia. Insumma è vegnì mess en dumonda sch'el saja il dretg um per quest post. Il cusseglier guvernativ Peter Peyer ha dentant adina sustegnì ses cumandant.
Era KESB e medis han prendì mesiras
La KESB haja gia ademplì las recumandaziuns dals rapports, scriva il chantun. Per ils medis saja ina scolaziun en preparaziun. Là vai surtut per ospitalisaziuns en ina clinica psichiatrica e tge criteris che valan per talas mesiras.
Ord l'archiv
