In pèr belgiais pensiunà ha empruvà la gievgia passada da vegnir cun passa 80 liters spirituosas en Svizra. Tar ina controlla al dazi da La Motta ha l'administraziun da duana svizra controllà ina auto-rulotta. L'um da 68 onns aveva ditg, ch'el haja cumprà a Livigno, ch'è in'enclava da duana taliana, sulettamain 3 buttiglias whisky.
Cun controllar la rulotta pli exact han ils duaniers chattà 84 liters bavrondas cun dapli che 18% alcohol. Las spirituosas eran zuppadas dapertut en l'auto-rulotta. Il pèr belgiais ha stuì pajar taxas ed in chasti d'en tut 2'500 francs.
video
Novitads
Or da Telesguard dals 07.10.2019.
laschar ir. Durada: 1 minuta 16 Secundas.
RR novitads 15:00