Siglir tar il cuntegn

Header

cuntegn

Reacziuns dal turissem «Quai fa mal il cor»

En la branscha da gastronomia regia consternaziun suenter las decisiuns a Berna. Tier las pendicularas perencunter sbrinzla lev optimissem.

La suprastanta da GastroSuisse Annalisa Giger ha bain chapientscha ch'i vala il mument da proteger la sandad. Tuttina saja la decisiun da serrar ustarias ina catastrofa per la branscha.

video
Reacziun da Annalisa Giger- Sialm, suprastanta GastroSuisse
Or da Giuventetgna dals 18.12.2020.
laschar ir. Durada: 29 Secundas.

Era il president da Gastro Grischun, Franz Sepp Caluori, è dischillus.

audio
reaciun da Franz Sepp Caluori
ord Actualitad dals 18.12.2020. Maletg: RTR
laschar ir. Durada: 3 minutas 8 Secundas.

Tuttina resta el optimistic ch'il Grischun possia schluccar las mesiras - forsa schizunt gia tranter Nadal e Silvester.

Per che quai gartegia, sto dentant la valur da reproducziun esser sut 1,0 e la incidenza da 7 dis sto esser sut la media svizra - e quai è il mument anc betg il cas en il Grischun.

Il president da las pendicularas grischunas, Martin Hug, è precaut. Bain sa legra el ch'il Cussegl federal ha decis da surlaschar als chantuns sch'in territori da skis dastga avrir u betg. Tuttina è la situaziun intscherta: Sur la fin d'emna ha la regenza decis d'avrir territoris da skis - glindesdi vul ella dentant discutar anc ina giada en chaussa.

audio
Reacziun Martin Hug
ord Actualitad dals 18.12.2020. Maletg: RTR
laschar ir. Durada: 3 minutas 14 Secundas.

Novitads 17:00

Artitgels legids il pli savens