Siglir tar il cuntegn

Header

cuntegn

Reavertura da las scolas «Igl è fitg impurtant che nus pudain puspè instruir en scola»

La presidenta da la magistraglia grischuna, Sandra Locher Benguerel, sa mussa levgiada che las scolas pon puspè avrir ils 11 da matg. Quai sut la cundiziun ch'il dumber d'infecziuns novas resta sut controlla.

Cun mintga di che las scolas restian serradas, s'avria la forsch en il sectur da la furmaziun pli fitg. Quai hajan las experientschas da las ultimas emnas mussà, uschia Sandra Locher Benguerel. I saja fitg impurtant da puspè pudair instruir en scola. Perquai che la scola fetschia bler dapli che be intermediar savida. Il contact regular sco era l’emprender social sajan dus ulteriurs facturs impurtants en la scola.

Ussa saja da sclerir dumondas avertas sco per exempel co far scola en temp da corona cun mesiras da distanza e d’igiena. E tge far cun persunas d’instrucziun e scolars e scolaras ch'èn persunas da ristg. La cussegliera naziunala socialdemocatica e scolasta spera sin directivas naziunalas.

RTR novitads 12:00

Artitgels legids il pli savens

Scrollar a sanestra Scrollar a dretga