Tut en tut èn 954 persunas sa denunziadas l’onn passà. Quai èn 75 dapli che l'onn avant. Quai communitgescha l'administraziun da taglia dal Grischun. Chantun, vischnancas e Confederaziun incasseschan uschia ulteriurs 21 milliuns francs taglias.Tant sco anc mai. Da quels survegn il chantun 8,2 milliuns, las vischnancas 7,5 milliuns francs.
Amnestia vala dapi l'onn 2010
Dapi il 2010 pon pajataglias en Svizra declerar posteriuramain entradas e facultad ch'els han zuppentà ordavant. Grazia a quest'amnestia da taglia po mintga Svizzer uschia ina giada en la vita denunziar sa sez. Quai senza vegnir chastià.
Dasper las taglias ordinarias ston els numnadamain sulettamain pajar ils tschains da retard. Dapi che l'amnestia è en vigur hai dà radund 3’000 autodenunzias en il chantun Grischun.
RR novitads 17:00
