La PS dal Grischun vul reducir il Cussegl grond sin 90 deputadas e deputads.
La suprastanza da la partida ha concludì da dumandar dal di da partida extraordinari dals 6 da settember da lantschar l'iniziativa «Reducziun dal Cussegl grond: 90 deputads èn avunda», en il cas ch'il Cussegl grond renviescha la petiziun correspundenta da la fracziun da la PS.
Ils davos onns haja il chantun Grischun modernisà sias instituziuns, quasi smesà il dumber da vischnancas, remplazzà districts, associaziuns regiunalas e circuls entras 11 regiuns e creà ina nova gulivaziun da finanzas. Sulettamain tar sasez na saja il Cussegl grond betg stà pront da far refurmas, argumentescha la PS.
RR novitads 10:00