Il cudesch «Filmlandschaft Engadin Bergell Puschlav Münstertal» ha nudà 740 producziuns da film producidas en las valladas dal sid grischunas. In'agiunta dal 2010 noda anc ina giada 160 ulteriuras producziuns da film. Ils auturs han retschertgà sur onns en archivs, publicaziuns e tar persunas privatas. La rimnada vala tranter auter er pervi da quai sco fitg impurtanta.
Access a la publicitad duai vegnir garantì
Suenter la mort dal schurnalist ed autur Jürg Frischknecht (1947-2016) vulan ils dus cunauturs, Werner Schweizer e Thomas Kramer garantir che la cumpletta rimnada da films po restar accessibla a la publicitad. Perquai regalan els la documentaziun a la Biblioteca chantunala grischuna. La biblioteca maina vinavant la documentaziun da films en lur rimnada Raetica. Accessibla è la documentaziun er sur il portal da medias AV dal chantun.
Dapli dal portal da medias da la Biblioteca chantunala
RR novitads 10:00