Chantun - Regenza beneventa da metter lingias d'electricitad sut la terra
La strategia federala concernent las raits d'electricitad giaja en la dretga direcziun, quai constatescha la regenza grischuna en ina posiziun communabla cun la Conferenza da las regenzas dals chantuns alpins.
Cun il project vul la Confederaziun meglierar las cundiziuns generalas per engrondir e mantegnair las raits d'electricitad svizras. La regenza beneventa era il principi general da metter las lingias d'electricitad sut la terra. Ins duai dentant era avair la pussaivladad da colliar regiuns muntagnardas e territoris rurals cun conducts libers, scriva la regenza grischuna.
