Uschia ha la regenza prendì posiziun tar la midada da l'ordinaziun federala davart las prestaziuns da l'assicuranza obligatorica per la tgira da malsauns (OPM). Ils ultims onns hajan chantuns e vischnancas adina puspè augmentà lur contribuziuns a las chasas da tgira e las organisaziuns da Spitex. E quellas creschian vinavant sch'i na vegnia betg prendì mesiras. I n'è betg acceptabel ch'ils chantuns e las vischnancas portan a 100 pertschient l'augment dals custs da la tgira, scriva la regenza.
Plinavant crititgescha ella che la nova ordinaziun da tgira duai gia ir en vigur il fanadur da l'auter onn.
RR novitads 09:00