La regenza grischuna ha prendì posiziun tar in scumond absolut da zuppentar la fatscha, quai en connex cun il sboz per ina lescha federala. Il project dal Departament da giustia e polizia è ina cuntraproposta a l'iniziativa dal pievel «Gea al scumond da cuvrir la fatscha».
La regenza regenza grischuna beneventa questa cuntraproposta: Il Cussegl federal propona numnadamain mesiras sistematicas e betg in scumond general da cuvrir la fatscha. Uschia possia l’autonomia chantunala vegnir resguardada. Pir en la sessiun d’avust da quest onn saja il Cussegl grond s’exprimì cunter in scumond da zuppentar la fatscha per occurrenzas publicas che basegnan ina lubientscha.
La regenza beneventa uschia l’obligaziun da scuvrir la fatscha a curta vista en situaziuns necessarias, sco quai ch'igl è previs en la cuntraproposta. Per garantir che las incumbensas statalas possian vegnir ademplidas, saja quai ina mesira necessaria, argumentescha la regenza.
RR novitads 09:00
