Siglir tar il cuntegn

Header

Navigaziun

cuntegn

Regenza grischuna Dapli egualitad tranter um e dunna

En connex cun egualitad tranter dunna ed um è il chantun Grischun sin buna via. I dat dentant anc blers secturs nua ch'ins pudess megliurar la situaziun:

  • augment da la participaziun politica da dunnas sin tut ils stgalims
  • augment da la quota da dunnas en posiziuns da cader
  • egualisar inegualitads da las pajas
  • mesiras cunter povradad da las dunnas en la vegliadetgna
  • evitar pregiudizis da las rollas tranter dunna ed um
  • dapli protecziun cunter violenza a chasa sco era mulestas sexualas

La fracziun da la PS è da l'avis ch'il chantun sto reagir e d'elavurar in plan d'acziun d'egualitad tranter dunna ed um. Per pudair far quai duess il chantun metter a disposiziun las resursas finanzialas.

Resposta da la regenza

La regenza grischuna è pronta da laschar elavurar in plan d’acziun per l'administraziun chantunala. Quai scriva ella en ina resposta sin in’incumbensa da fracziun da la Partida socialdemocratica. La regenza è bain da l'avis ch’il chantun fetschia gia uss cun differents projects bler per l’egualisaziun. Ins haja ils davos onns cuntanschì bler. En cumparaziun cun auters chantuns dettia dentant anc potenzial. Per pudair realisar las miras prevesa la regenza in proceder en quatter fasas.

Ord l'archiv

Legenda: Guardar il video Extra muros – Discussiun da podium: «Egualitad dad um e dunna». Durada 02:08 minutas.
Or da Telesguard dals 14.06.2019.

RR novitads 17:00