Siglir tar il cuntegn

Header

cuntegn

Regenza grischuna Deducziun da taglia per classa mesauna na vegn betg auzada

La regenza grischuna na vul betg auzar la deducziun da taglia per la classa mesauna. Quai scriva ella en ina resposta sin in’incumbensa da fracziun da la Partida cristiandemocratica.

L'incumbensa da la fracziun è da l'avis che la situaziun dal chantun saja fitg buna e che persunas natiralas, oravant tut la classa mesauna, n'haja fin uss betg profità da las deducziuns da taglia. Da l'autra vart creschian las premias da las cassas da malsauns cuntinuadamain. Per bleras famiglias, oravant tut per persunas ch'educheschan sulet, sajan quellas strusch pli pajablas.

Resposta da la regenza

Ins stoppia per part reveder la situaziun da partenza. Il chantun grischun saja gia uss fitg progressivs quai che pertutga la deducziun da taglia e tar la reducziun da premias individualas. Plinavant chaschunass la proposta ina perdita da taglia da radund 5,3 milliuns francs ad onn per il chantun e 4,8 milliuns francs per las vischnancas.

Ina cumparaziun cun auters chantuns mussa, ch'il Grischun sper il Tessin posseda gia oz la pli gronda deducziun per assicuranzas.

Cumparegliaziun

Chantun
Maridà
Persuna suletta
Uffants
Confederaziun3'5001'700700
Argovia4'0002'0000
Appenzell Dadens 5'8002'900600
Appenzell Dadora4'0002'0001'000
Glaruna6'0003'0001'000
Grischun*8'7004'4001'200
Son Gagl
6'4003'2001'000
Tessin10'5005'2000
* cifras sa basan sin index 103%


Ord l'archiv

Video
Explainer: Jau paj taglia, ma nua van quels daners?
Or da Nouvo RTR dals 21.01.2018.
abspielen

RR novitads 15:00