Siglir tar il cuntegn

Header

audio
Appel al persunal da tgira en Grischun
Or da Actualitad dals 21.03.2020.
laschar ir. Durada: 01:45 minutas.
cuntegn

Regenza grischuna fa appel Tschertgà: persunal da tgira

Per prevegnir a stretgas en il sectur da tgira registrescha il chantun il persunal spezialisà en il sectur da tgira.

Tut las persunas ch'han emprendì ina professiun da tgira e che na lavuran però betg pli en questa professiun duain s'annunziar tar il chantun. Il persunal spezialisà na dastgan però betg far part dad ina gruppa da risico. Quai ha la regenza grischuna decis. Sin la pagina d'internet gr.ch/coronavirus ha la regenza activà in formular.

Tgi tutga tar persunal spezialisà?

Textbox aufklappenTextbox zuklappen
  • spezialista/spezialist da sanadad (AFQ)
  • attest da qualificaziun en la tgira pratica da persunas malsaunas da la Crusch Cotschna Svizra
  • tgirunza diplomada ND I / tgirunz diplomà ND I
  • diplom: tgirunza/tgirunz TGM/TCM/UPP/TPsi
  • tgirunza/tgirunz da sanadad e da tgira da malsauns ND II
  • tgirunza diplomada SSS / tgirunz diplomà SSS
  • PHD Nursing Science
  • Master of Science in Nursing (MSN)
  • Master of Science en tgira (MScN) SAS
  • tgirunza/tgirunz SAS (Bachelor of Science in Nursing [BScN])

Emprim registrar, lura engaschar

La situaziun actuala mussia ch'instituziuns da tgira vegnan ad avair stretgas tar il persunal. Sco emprim vegnian perquai registradas tut las persunas che vivan en il Grischun e ch'han ina scolaziun en il sectur da tgira, ma lavuran il mument betg. En in segund pass pudessan quellas persunas spezialisadas lura vegnir obligadas ad in engaschament.

Tenor la lescha da sanadad po il chantun obligar il persunal spezialisà da la sanadad da gidar cura ch'i va per prevegnir e cumbatter malsognas transmissiblas.

RTR novitads 15:00

Artitgels legids il pli savens

Scrollar a sanestra Scrollar a dretga