Siglir tar il cuntegn

Header

cuntegn

Regenza grischuna Nagina schanza da realisar campiunadis da professiuns

La regenza na prevesa nagina candidatura per ils campiunadis da professiuns WorldSkills, Euroskills e SwissSkills.

Irina Tuor da Breil
Legenda: Als World Skills 2017 aveva Irina Tuor da Breil gudagnà aur en la categoria spezialista sanadad. MAD

Ils motivs principals sajan cunzunt la mancanza da l'infrastructura ed ils custs, sco la regenza ha communitgà. A quella conclusiun vegn la regenza suenter in studi davart la realisabladad. Tenor quest studi na dettia en il mument nagina schanza realistica da vulair organisar ils WorldSkills, plinavant scusseglià il studi ina candidatura per ils SwissSkills.

Mancanza da l'infrastructura

Ils criteris centrals èn la mancanza da l'infrastructura e las investiziuns necessarias. Plinavant è er l'idea oriunda d'organisar ils campiunadis en differents lieus giud maisa: ina tala varianta na vegn betg acceptada da la fundaziun SwissSkills.

Sulettamain la candidatura per organisar ils WorldSkills chaschunass custs da passa 1,5 milliuns francs. Tenor il studi da realisabladad stuess vegnir fatg quint cun ina participaziun finanziala dal maun public en l'autezza da var 122 milliuns francs, sche la candidatura vegniss acceptada. Pervia dal motiv finanzial na vegn ina candidatura per ils campiunadis da mastergns WorldSkills, SwissSkills ed EuroSkills per entant betg persequitada vinavant.

RTR novitads 12:00