Siglir tar il cuntegn

Header

cuntegn

Regenza grischuna Program per rinforzar politica d'uffants e giuvenils

Uffants e giuvenils duajan vegnir sustegnids en lur svilup tar commembers da la societad cun gronda responsabladad. Per quest intent ha la regenza grischuna approvà il program da promoziun «Politica d'uffants e da giuvenils en il chantun Grischun 2020–2022». Quai scriva ella en ina communicaziun.

Cun sviluppar questa politica veglia il chantun crear cundiziuns da viver attractivas per famiglias, uffants e giuvenils. Il plan da finanziaziun prevesa per ils onns 2020 fin 2022 custs annuals da mintgamai 300'000 francs. Cun ina finanziaziun da partenza sustegn er la Confederaziun il program chantunal.

Promoziun, protecziun e participaziun

La finamira dal program da promoziun è ...

  • da garantir schanzas egualas per tuts,
  • la prevenziun da la povradad,
  • da promover la sanadad,
  • l'integraziun sociala, culturala e politica,
  • sco er l'acquisiziun pass per pass d'independenza, d'autonomia e da responsabladad sociala.

Proxims pass

Il program per rinforzar la politica d'uffants vegn elavurà dals differents departaments chantunals en collavuraziun cun las vischnancas ed acturs privats. L’emprim vegn il stadi actual sco er ils basegns evaluads. Sin fundament da questa analisa fixescha la regenza mesiras che duain vegnir realisadas a partir da l'onn 2021.

audio
Per tadlar cur e cumpact – program per promoziun uffants
ord Novitads dals 11.11.2019.
laschar ir. Durada: 1 minuta 1 Secunda.

RR novitads 12:00

Artitgels legids il pli savens