Chantun - Regenza grischuna sustegna avertura dal martgà d'electricitad
La regenza grischuna sustegna l'avertura totala dal martgà d'electricitad en Svizra. Quella saja da principi nizzaivla sch'i vegnia procurà per cundiziuns da concurrer gistas ed i vegnia resguardà ils interess da la segirezza dal provediment.
Las cundiziuns da basa na sajan il mument però anc betg francadas suffizient, scriva la regenza grischuna en sia resposta da consultaziun. Quai saja dentant necessari per pudair garantir a lunga vista in provediment d'electricitad bunmartgà, ecologic e responsabel.
La Confederaziun stoppia perquai vegnir activa. Concret pretenda la regenza ch'i vegnia tegnì quint da l'impurtanza da la forza idraulica svizra.
