Siglir tar il cuntegn

Chantun Regenza prenda ulteriuras mesiras cunter cartel da submissiun

Il chantun vegn pli rigurus cun surdar lavurs en la branscha da construcziun.

Plazzal.
Legenda: Il chantun vegn pli rigurus cun surdar lavurs en la branscha da construcziun (maletg simbolic). Keystone

Las 40 interpresas da construcziun involvidas en las inquisiziuns da la cumissiun da concurrenza WEKO, ston ad interim emplenir ora ina autodecleraziun supplementara per mintga surdada da lavur. Quai ha francà la regenza grischuna en ulteriuras mesiras cunter ils cartels da submissiun.

Ultra da quai ston las interpresas ch'offreschan per ina surdada, confermar explicitamain da betg pli avair fatg cunvegnas dapi il cumenzament da las inquisiziuns il 2012.

La regenza accentuescha dentant ch'il chantun veglia vinavant surdar incumbensas a firmas da construcziun. Il mument saja simplamain grev da pudair planisar, cunquai che las inqisiziuns na sajan anc betg a fin.

Tenor infurmaziuns da la WEKO è il chantun pertutgà fin ussa en trais decisiuns sco incumbensader.

RR novitads 11:00