Siglir tar il cuntegn

Header

cuntegn

Chantun Regenza sto tuttina far in concept per WLAN public gratuit

Il Cussegl grond ha discutà l'incumbensa da Vera Stiffler (PLD) che la regenza duai far in concept per realisar WLAN gratuit en il spazi public abità. Quai en collavuraziun cun las vischnancas ed auters partenaris.

Il cussegl grond ha surdà a la regenza l'incumbensa cun 95 tar 15 vuschs, malgrà la tenuta negativa da la regenza a quella. La discussiun en il Cussegl grond è stada animada. Ils ultims onns sajan adina puspè vegnidas fatgas incumbensas sumegliantas, uschia il deputà socialdemocrat Peter Peyer. Ed era sche l'incumbensa actuala na saja forsa betg la megliera da tut ils temps, lura saja quai dad inoltrar ella. I saja uras da far insatge en questa direcziun, è stà il tenor dals blers deputads persvadids.

Però: WLAN betg pli actual

Il deputà da la Partida populara svizra Jan Koch era da l'avis che WLAN na saja betg pli modern. Cun ils abunaments da datas mobilas actuals na saja WLAN per blers, cunzunt era per turists, nagin tema pli.

Artitgels legids il pli savens