Siglir tar il cuntegn

Chantun Regenza sustegna viadis per seniors

La regenza grischuna sustegna il svilup dad in organisatur da viadis en il Grischun. La firma MANU Touristik che porscha viadis da senioras e seniors survegnia in contribuziun da 800'000 francs or dal program da turissen dal chantun, quai communitgescha la regenza.

Umens e dunnas en la vegliadetgna da senior spetgan en ina staziun da tren
Legenda: Seniors e senioras spetgan a la staziun. Keystone

L'organisatur da viadis duaja gidar il chantun da meglierar sia cumpetitivitad. Aifer 5 onns duain vegnir vendidas 40'000 pauschalas d'in emna, quai che corespunda a 280'000 pernottaziuns. Las emnas pauschalas vegnan l'emprim purschidas en la destinaziun Tavau/Claustra. A partir da l'onn proxim lura era en ulteriuras regiuns turisticas.