Siglir tar il cuntegn

Chantun Regenza sustegness candidatura grischuna per gieus olimpics

La regenza grischuna è pronta da sustegnair l'economia grischuna d’elavurar ina candidatura grischuna per gieus olimpics d'enviern, quai ha ella respundi a la dumonda dal deputà Remo Cavegn (PCD) da Razén.

Rintgs olimpics.
Legenda: Il 2013 aveva il pievel ditg na a la candidatura per gieus olimpics d'enviern il 2022. Keystone

Durant la sessiun d'october aveva la regenza explitgà ch'ella respectia bain il na dal pievel svizzer il 2013, a medem temp aveva ella però signalisà ch’ella saja averta per ina discussiun en chaussa.

Ord vista da la regenza purtassan gieus olimpics d’enviern impuls positivs per l’entir chantun e betg mo per ils lieus d’occurrenza directs. Plinavant pudess vegnir rinforzada l’identitad cuminaivla e la reputaziun internaziunala da la Svizra e dal Grischun.

RR novitads 11:00