Chantun - Regenza turitgaisa è per gieus olimpics cun il Grischun
La regenza turitgaisa è s'expirmida da principi per ina candidatura da gieus olimpics cun il Grischun. Impurtant saja però ch'il project da candidatura vegnia sustegni da las citads e vischnancas pertutgadas.
Quai scriva la regenza turitgaisa en ina brev a la regenza grischuna. Ins beneventia l'idea grischuna per gieus ecologics e persistents che sa basan uschè lunsch sco pussaivel sin infrastructura existenta e modernisada.
L'organisaziun da gieus olimpics il 2026 è in tema en pliras regiuns. Tranter auter er en il Vallais. Il Comité olimpic internaziunal decida il 2019 davart la surdada dals gieus d'enviern 2026.
