Scolas medias grischunas han da cumbatter cun pli e pli pauc scolars, cunquai ch'il dumber da naschientschas va enavos. Calculaziuns approximativas quintan per l'onn da scola 2023/24 cun 32% pli paucas scolaras e pli paucs scolars en scolas medias cumpareglia cun l'onn da scola 2003/04.
Scolas medias decentralas duajan vegnir mantegnidas
La revisiun totala duai garantir ch'il chantun possia pussibilitar als giuvenils grischuns vinavant ina scolaziun decentrala. L'augment da las contribuziuns per scolars che saja vegnì decis cun l'ultima revisiun parziala na possia betg cumpensar l'effect ch'il dumber da naschientschas va enavos, uschia il chantun Grischun.
Plinavant dettia la revisiun totala la pussaivladad al chantun da pudair intervegnir ad uras, sch'ina scola media privata na possia betg pli manar vinavant ses manaschi ord atgna forza. Ultra da quai duai vegnir creada en la revisiun totala ina basa legala per sustegnair finanzialmain pli fitg scolaras e scolars interns.
La lescha duai entrar en vigur il 1. d'avust 2019.
RR novitads 11:00