Siglir tar il cuntegn

Chantun Regenza vul promover autos electrics

La regenza grischuna sustegna mesiras per promover l’electromobilitad. Ella ha perquai decis da laschr elavurar in masterplan per stgaffir en l’entir chantun ina rait per chargiar vehichels electrics.

Auto electric vegn chargià.
Legenda: En il Grischun charreschan il mument anc be 100 autos electrics. Keystone

Quel prevesa tranter auter d’extender l’infrastructura da chargiar e da constuir staziuns da chargiar tar bajetgs chantunals. Il masterplan duai segirar che las staziuns da chargiar dovrian energia regenerabla indigena, quai cun preferenza da la forza idraulica, scriva la regenza.

En il Grischun è il dumber da vehichels electronics il mument anc fitg pitschen cun radund 100. Tar autos hibrids è il dumber in zic pli gronds. Per rinforzar tals vehichels pledescha tenor la regenza differents arguments: L'electromobilitad avria schanzas per substituir l'energia fossilia e porschia la pussaivladad da nizzegiar l'energia regenerabla indigena.

RR novitads 10:00