Chantun - Regenza vul sistir «Concept d’energia da vent»
La regenza grischuna propona da sistir il «Concept d’energia da vent» da la confederaziun. Er sche quel fetschia da principi senn, saja el memia voluminus, cuntegnia duplicitads e na saja betg coordinà cun la Strategia d’energia 2050.
Per quest motiv propona la regenza da spetgar fin ch’igl è definì cleramain, quant fitg ch’ins vul extender l’energia da vent e co ch’ils interess naziunals èn. Il concept precisescha che la confederaziun coordinescha sias incumbensas cun planisar implants d’energia da vent.
