La regenza da la provinza autonoma Bulsaun-Tirol dal Sid ha visità oz il chantun Grischun. Tar ils discurs da lavur a Valendau è vegnì tematisà tranter auter ina cooperaziun sin il sectur cultural tranter las gruppas linguisticas dal ladin da las Dolomitas e dal rumantsch dal Grischun, ha communitgà la chanzlia chantunala. In auter tema èn stadas las colliaziuns da bus sur cunfin.
Dapi il 1999 sa scuntran las regenzas dal Tirol dal Sid e dal chantun Grischun regularmain per discurs da lavur.
RR novitads 15:00