Siglir tar il cuntegn

Chantun Renovaziun dal Plantahof è in pass enavant

Il project victur per la renovaziun dal center da dietas Plantahof è eruì: La cuminanza da lavur Nickisch Walder da Flem e Planalytik ScRL da Flums po planisar la renovaziun dal center da dietas dal Plantahof a Landquart.

Modell dal project victur per la renovaziun dal Plantahof.
Legenda: Modell dal project victur per la renovaziun dal Plantahof. MAD

La cuminanza da lavur Nickisch Walder da Flem e Planalytik GmBH da Flums ha gudagnà la concurrenza per renovar il center da dietas Plantahof a Landquart. Il project haja persvadì la giuria pervi da ses cubus simpels che mainian a quietezza ed ad in bun urden en l'areal creschì, communitgescha il chantun. En tut eran vegnids inoltrads 31 projects. Quels èn vegnids valitads a moda anonima.

Cun il consentiment da la regenza vegn il project sviluppà vinavant ed elavurà in messadi per mauns dal cussegl grond. Cunzunt la sala da mangiar e la cuschina sajan elements centrals dal center da dietas. Là saja il basegn da renovar grond.

RR novitads 17:00