Siglir tar il cuntegn

Header

cuntegn

Repartiziun vaccin Covid-19 Grev da planisar vaccinaziuns

En las chasas d’attempads e da tgira vegn vaccinà dapi ils 4 da schaner. Sco il chantun scriva è l’emprim facit positiv. Fin uss han 4035 persunas survegnì l'emprima dosa dal vaccin cunter il coronavirus. Uschia èn cussadentas e cussadents en 50 da 52 chasas da tgira vaccinads. Cunzunt en vista a las vaccinaziuns en ils centers regiunals saja però in problem che las indicaziuns dal BAG davart las furniziunsch’ins duai survegnir, midian d’in cuntin. Tras quai daventia quai grev da planisar.

Situaziun da vaccinar

Il chantun spetga dal BAG che quel furneschia svelt las dosas da vaccinar empermessas e che la distribuziun tranter ils chantuns saja faira. Il BAG ha publitgà ier venderdi per l’emprima giada las cifras davart la situaziun da vaccinar en Svizra. A partir da l'emna proxima vegn era il chantun a preschentar las cifras actualas per il Grischun.

Applicaziun correcta garantescha statistica correcta

Mintga persuna sto vegnir vaccinada duas giadas entaifer 3 fin 4 emnas cun il vaccin dal medem producent: pia ubain duas giadas cun il vaccin da Pfizer/BioNTech ubain duas giadas cun quel da Moderna. Quai munta che la mesadad da las dosas ston vegnir "reservadas" per la segunda vaccinaziun. Emprim vegnan las persunas che tutgan tar las gruppas da ristga vaccinadas. Giuvenils sut 16 onns na vegnan betg vaccinads. Uschia sto il Grischun planisar ina vaccinaziun facultativa per var 171 000 persunas.

Dosas garantidas e/u furnidas

Pfizer/BioNTech
Fin ils 17 da schanerdosas garantidas: 6000dosas garantidas: 6000
Fin ils 18 da schanerdosas garantidas: 3000dosas garantidas: 1000
Per ils 25 da schanerdosas garantidas: 3000dosas furniblas previsiblamain: 1000
Per ils 5 da favrerdosas garantidas: 5000dosas furniblas previsiblamain: 1000
Per ils 15 da favrerdosas garantidas: 5000dosas furniblas previsiblamain: 1000
Moderna
Per ils 13 da schanerdosas garantidas: 5100dosas garantidas: 5100*
*2900 dosas furnidas als centers da vaccinaziun

RTR novitads 09:00

Artitgels legids il pli savens

Scrollar a sanestra Scrollar a dretga