Siglir tar il cuntegn

Header

La sedia da la societad d'energia Repower a Bever
Legenda: La sedia da la Repower a Bever Keystone
cuntegn

Chantun Repower collavura cun Infrastruktur Schweiz AG

L'interpresa d'energia grischuna Repower ha decidì da collavurar strategicamain cun l'investider Reichmuth Infrastruktur Schweiz AG per renovar e manar communablamain l'implant electric Morteratsch.

Tenor communicaziun a las medias sforzia la greva situaziun sin la fiera d'electricitad da sviluppar novas strategias. Repower haja manà discurs cun divers investiders instituziunals. Ussa haja l'interpresa d'energia chattà il dretg partenari. Ins haja gia elavurà ensemen in concept da finanziaziun e manaschi per il pli vegl implant da la Repower, Morteratsch.

Nova firma cun sedia a Puntraschigna

Il concept prevesa tranter auter da fundar ina firma communabla «Implant electric Morteratsch SA» cun sedia a Puntraschigna. La Reichmuth Infrastruktur Schweiz vegn a surpigliar la gronda part da la finanziaziun e possedia perquai er la gronda part da la firma. La Repower cuntinuescha cun bajegiar e manar l'implant.

Transferir concessiun

Per che quai possia vegnir realisà sto la concessiun vegnir transferida sin la nova societad. La Repower ha infurmà la vischnanca da Puntraschigna davart quests plans e suttamess al chantun Grischun ina dumonda en quest connex. Vi dal cuntegn da la concessiun na sa midia nagut.

RR novitads 18:00

sda/sc